Сите гости во влезот на трговскиот центар "Nihonbashi Mitsukoshi", во Токио, Јапонија, ги пречекува љубезната Аико Чихира, облечена во кимоно...



Ретки се оние што забележуваат по самото доаѓање, дека станува збор за хуманоиден робот, затоа што изгледа како вистинско човечко битие.  

32-годишната Јапонка е осмислена во Toshiba, со сите човечки карактеристики: Чихира трепка, разговара, пее и плаче. Програмирана е да комуницира на јапонски, корејски, англиски и јапонски знаковен јазик.



Во нејзиното тело има 43 мотори, кои и овозможуваат да се движи. Оваа технологија ја развила катедрата за иновации на Универзитетот на Осака, која проучува роботи повеќе од 20 години. Она што и овозможува да изгледа реално на хуманоидната Чихира, се нејзините движења на вилицата и усните.  

Љубопитните посетители ги насочува кон катовите на трговскиот центар кон производите што се заинтересирани да ги купат. После 21 април ќе биде преместена на седми спрат од трговскиот центар, каде ќе работи како водич.