Минатиот месец HTC и Samsung ги претставија новите модели од своите популарни серии (One и Galaxy S), а сега дојде редот на Sony...



Sony денес во Јапонија го најавил наследникот на популарниот телефон Xperia Z3. Новиот модел нема револуционерни новитети, но затоа е потенок и полесен. Дијагоналата на екранот на Xperiа Z4 изнесува 5,2 инчи, со Full HD резолуција (1920x1080 пиксели). Овој уред има моќен хардвер – работи со 64-битен Snapdragon 810 процесор и има 3GB RAM. Количината на достапната меморија изнесува 32GB, а за корисниците што им е тоа премалку, тука е и влезот за microSD мемориска картичка, со капацитет до 128GB што е повеќе од доволно за сите фотографии, песни и видеа.

Од новиот модел на Sony се очекува задната камера на новиот модел да биде 20.7MP, а предната со 5.1 MP. Батеријата има капацитет од 2,930 mAh, како и 5.0 верзија на Android. Куќиштето на телефонот е изработено од метал, уредот е тенок 6,9 mm и тежок 144 грами, а како што веќе навикнавме на 'Z' телефонот и овој модел е отпорен на вода и прашина. Sony ја најавил Xperiа Z4 моментално само за јапонски пазар, а наскоро се очекуваат информации и за продажба на останатите светски пазари, како и цената по која ќе се продава.