Фаблетите во последно време стануваат се попопуларна категорија на мобилни уреди и се повеќе корисници купуваат ваков хибриден модел, кој е мешавина од телефон и таблет...



Благодарение на големите екрани, тие може да се користат и како телефони и како таблети. Најпопуларните фаблети на светот моментално се: Samsung Galaxy Note 4 со дијагонала од 5,7 инчи и iPhone 6 Plus со 5,5 инчен екран. За оние што им се мали овие екрани, Huawei вчера го претстави моделот P8max. Овој уред доаѓа со екран со дијагонала од дури 6,8 инчи (станува збор за еден од најголемите телефон/таблети на светот), резолуција од 1920x1080 пиксели, а освен големите димензии, P8max е тенок само 6,4 мм.

Батеријата од 4,360 mAh би требало да издржи два дена просечно користење, односно околу 15 часа константно сурфање на интернет или гледање на видео записи. Има 2GHz 8-јадрен Kirin 930 процесор, 3GB RAM, 32, односно, 64GB меморија, задна камера од 13MP со оптичка стабилизација на сликата и предна камера со резолуција од 5MP за селфи фотографии. Цената на овој уред ќе изнесува 550 евра за моделот со 32GB, односно 650 евра за моделот со 64GB меморија, а во продажба би требало да излезе наскоро. Освен овој модел, Huawei го претставил паметниот телефон P8, кој доаѓа со класичен 5,2 инчен Full HD екран и има сличен хардвер, 2GHz процесор, 3GB RAM, 13MP камера со оптичка стабилизација на сликата, предна 8MP камераж, тенок е само 6,4 мм.