Ако ги зачувавте видео касетите, тие би можеле да ви донесат многу пари...



Експертите веруваат дека VHS касетите се враќаат во мода, исто како и плочите. Со текот на времето главно исчезнаа од повеќето домаќинства, а голем број на видеотеки се затворени. Затоа сега кај многу луѓе се јавува носталгија.

Дејвид Џинкс од меѓународната курирска компанија „ParcelHero“ вели дека касетите наскоро би можеле да вредат многу пари.

„Повеќето луѓе што го купиле оригиналниот `The White Album` од Битлси, го пуштале до уништување и никој од нив немал поим дека во иднина би можел да биде многу вреден. Сега оригиналната верзија вреди и до 7 илјади фунти“, вели Џинкс.

Тој објаснува дека сличното може да им се случи и на видео лентите.