Google излезе порано на пазарот со својот Android Wear, но се чини дека луѓето не ги прифатија нивните паметни часовници како оние на конкурентот...



Работите се променија кога Apple започна со претпродажба на паметните часовници. Slice Intelligence тврди со своите истражувања дека Apple продал околу 957.000 паметни часовници само во првиот ден кога Watch започнал со претпродажба, наспроти 720.000 уреди, колку што се продадени часовници во минатата година, на кои се наоѓа оперативниот систем на Google.

Но, и Google има свои предности. Иако се заработува подобро со екосистемот на Apple, Google има поголем опсег со над милијарда испорачани уреди само минатата година, што е повторно интересна бројка за девелоперите од друга страна.  

Што се однесува до паметните часовници, Apple очигледно е во подобра позиција поради својот моќен бренд и еко систем, а според се, го зазема и најголемиот дел од пазарот. Приказна беше иста и кога се појави iPad, кој едно време држеше 80% од пазарот на таблетите, но цифрата се намали кога се појавија нови и квалитетни уреди.  

Google сигурно нема да се откаже од оваа категорија, но тие се прилично зависни од произведувачите како што се LG, Motorola и Samsung, кои треба да направат конкурентен уред на Apple Watch.