Twitter е одлична онлајн алатка и во тоа нема сомневање, но секој сервис има свои мани, а Twitter тукушто реши еден голем недостаток...



Ако често користите Twitter, тогаш сигурно наидовте на проблем со ретвитање, односно имавте многу лимитирано пишување, кога сакавте да оставите коментар кога ретвитате. Она што ве ограничуваше е што Twitter воведе RT пред твитот што сакате да го ретвитате и со тоа ви ја скратува можноста за пишување на дополнителен коментар, односно, можевте да напишате онолку знаци, колку што преостанале од твитот.



Отсега, на iOS и на web, а наскоро и на Android, Twitter има нов начин за ретвитање. Отсега ќе имате 116 знаци за пишување на ваш коментар, а твитот ќе се појави во посебен дел, со цел сето тоа заедно да биде попрегледно.  

Ова е причина повеќе да го користите Twitter и да го споделите она што го сметате за интересно за вашите следбеници.