OnePlus, кинескиот производител на мобилни уреди, добива големо медиумско внимание поради евтините уреди со одлични технички можности...



OnePlus сака да им конкурира на HTC и Samsung, но не со иста цена. Компанијата имаше многу проблеми, меѓу кои се наоѓаше и оперативниот систем, па така досега користеле Cyanogen - изменета верзија на Android, поради која потпишале ексклузивен договор со индискиот производител на мобилни Micromax.

OnePlus одлучил да направи своја верзија на оперативен систем, која денес е објавена и го носи името OxygenOS.

“Моравме да се вратиме на почетокот. Траењето на батеријата и перформансите се наоѓаат на врвот од списокот на приоритети и над сите опции и можности”, истакнуваат од компанијата кога го опишувале својот скромен оперативен систем и перформансите.

Како што се гледа на видеото одоздола, OxygenOS изгледа солидно и многу слично како Android Lollipop, а доколку поседувате OnePlus овој оперативен систем може да го преземете уште денес од нивната официјална страница.