Децата обожаваат да ја користат својата фантазија и да си замислуваат дека нивната соба е активен вулкан, езеро полно со крокодили или џунгла...



Со помош на Lumo проекторот, набрзо децата навистина ќе може да ги посетат местата од својата фантазија, а за тоа ќе им биде потребно само малку простор и Lumo проектор.  

Со своите раце и нозе ќе може да шетаат по работ на вулкано, да одат по морето или пак да играат класични игри како хокеј или Twister. Проекторот функционира така што реагира на движења како што се скокање, удирање, мавање со раце или едноставно газење по сликата што се проектира.  

Она што е најинтересно е дека проекторот доаѓа со пакет игри. На децата ќе им биде овозможено сами да креираат и дизајнираат игра, прилагодувајќи се на околината со било која своја фантазија. Со помош на Lumo online games template алатките ќе може да се дизајнира.  

Уредот ќе работи со android платформа, а игрите ќе може да се контролираат и преку iOS уреди. Играчките нема да бидат евтини, бидејќи цената за основниот модел ќе изнесува 549 долари. Се предвидува дека Lumo ќе излезе на пазарот во 12-от месец од оваа година.