Одделот Creative Labs на Facebook лансирал нова апликација за iOS и Android под името Riff...



Оваа апликација овозможува заедно со пријателите да создавате кратки видео записи, а функционира на начин што снимате исечок (под 20 секунди), додавате тема и оставате на вашите пријатели да го надградат со свои снимки.

Се разбира, видео записите може да бидат видливи само внатре во апликацијата, но корисникот може да одбере и опција да ги објави на Facebook, односно да се појават на неговиот времеплов.

Очигледно Facebook со Riff сервисот сака да му конкурира на Vine, а дали ќе му успее, останува да видиме. Апликацијата е достапна за преземање преку App Store и Google Play Store.