Се појавија гласини дека Apple планира дури три нови модели на паметни телефони за септември оваа година...



Тоа се наследниците на моменталните телефони и поевтината верзија на телефон, iPhone 6C. Мин Чи Куо вели дека Тим Кук и екипата за оваа година подготвуваат големи промени и во септември ќе ги претстават iPhone 7 и 7 Plus.

„Седмицата“ би можела во голема мера да го промени начинот на кој ги користиме телефоните и апликациите. Куо во извештајот за инвеститори рекол дека Apple ќе примени нова Force Touch технологија во новите модели на iPhone-и, која ја претставија во Apple Watch и новиот MacBook. Оваа технологија ја препознава јачината на допирот на екран (и тачпадот). На новите телефони нема да биде иста технологија, туку ќе се препознава големината на просторот што го зафаќа прстот со којшто го допирате екранот и на тој начин ќе се одредува јачината на допирот. Force Touch технологијата на мобилните уреди би можела да го промени начинот на кој ги користиме телефоните и апликациите, бидејќи различните допири низ екранот, ќе овозможат користење на нови опции внатре во апликацијата.  

Одличниот предвидувач за новите уреди, Минг Чи Куо, вели дека Apple нема да ги менува дијагоналите на екраните, така што iPhone 7 ќе има 4,7 инчен екран, а iPhone 7 Plus ќе биде со 5,5 инчи. Тој тврди дека претходните инфорамции за поевтиниот модел на iPhone 6C се лажни и дека оваа година не треба да очекуваме да се појави овој модел.