Оваа недела од LG објавија дека на 28 април ќе биде претставен нов модел на паметен телефон од серијата G...



Голем број на новинари и љубители на Android со нетрпение го очекуваат претставувањето на овој телефон, бидејќи нивниот претходник LG G3 беше прогласен за најдобар телефон на светот на неодамнешниот саем на телефони, Mobile World Congress, така што очеквуањата од моделот G4 се многу високи.

Според досегашните гласини, се чини дека LG не подготвува никакви револуционерни промени на моделот што доаѓа, туку планира само хардверски подобрувања и поквалитетни камери. Екранот на моделот G4 би требало да остане 5,5 инчи (со резолуција од 1,440 x 2,560 пиксели), а телефонот би требало да функционира со Qualcom пропцесор Snapdragon 808, 3GB RAM и 32GB внатрешна меморија, се разбира, со можност за microSD картичка со капацитет до дури 128GB.

Љубителите на селфи ќе ја вреднуваат предната камера од 8MP, додека резолуцијата на сензорот на задната камера е 16MP. Сите официјални информации за овој телефон, би требало да ги дознаеме за помалку од еден месец, на конференциите кои ќе ги одржи LG во шест градови низ цел свет – Њујорк, Лондон, Париз, Сеул, Сингапур и Истанбул.