Џиа Јутинг, милијардер и основач на кинеската интернет телевизија Leshi TV(LeTV), го споредува Apple со Хитлер преку постер како најава за новиот паметен телефон на оваа кинеска компанија...



Директорот на LeTV објавил постер на својот профил, на својата верифицирана Weibo страница, каде може да го следат над 5 милиони луѓе. На постерот се наоѓа Адолф Хитлер во анимирана верзија со црвена марама на раката, каде се наоѓа логото на Apple, наместо нацистичката свастика.

Текстот на врвот на плакатот се споредува со атрибутите на Android и iOS екосистемот "crowdsourcing и слободата против ароганцијата и тиранијата“. Јутинг тврди дека пристапот на Apple ги гуши иновациите во индустријата на паметните телефони, и им штети на интересите на корисниците.

Во понатамошното обраќање кон јавноста, Јутинг се прашува дали тој вид на иновација што ја претставува iOS е навистина во ред и дека според него iOS системот е "dusk empire", тоа е метафора што се користи за нешто што умира, исчезнува.

Плакатот го напаѓа Apple, истовремено најавувајќи нов модел на паметен телефон од оваа кинеска компанија. Линијата на нов модел LeTV X900 на плакатот се презентирани како отворена врата, со што јасно се сугерира на отвореност на Android екосистемот.