SRI (Stanford Research Institute) International развил линија на биометриски системи под името „Iris on the Move“ (IOM), а како што вели и самото име, тие функционираат како преносливи уреди за скенирање на око...



SRI вчера и официјално објави дека Samsung му издал ексклузивна лиценца за користење на оваа технологија во мобилните производи. Извештаите укажуваат и на тоа дека првите уреди што ја имплементираат оваа технологија наскоро може да ја видат и дневната светлина.

Според известувањето за медиумите, првиот производ на Samsung што ќе имплементира технологија со скенирање на око, е модификуваниот Samsung Galaxy Tab PRO 8.4. Овој таблет ќе биде претставен на 17 април за време на овогодишениот ISC West настан во Лас Вегас.



Уредот ќе се продава глобално, преку "SRI партнери и дистрибутери“. Така се наведува дека IOM технологијата во таблетот на Samsung ќе биде користена како алат за препознавање на идентитет, а не за отклучување на уредот.  

Ова би можело да биде прв чекор во процесот на замена на сензорите за отисоци на прсти. Разликата меѓу овие две технологии е што скенерот на око е повеќе прецизен и потешко е да се хакира.