Големата технолошка компанија Sony моментално подготвува фотоапарат од 50MP, кој би можел да биде претставен за еден месец отприлика, пишува „Sony Alpha Rumors“...



Новиот фотоапарат на пазарот би требало да му конкурира на Canon EOS 5DS моделот. Новиот модел на Sony ќе содржи и сензор, кој го произведува самата компанија. Се уште нема многу детали за овој апарат, затоа не знаеме дали станува збор за E-mount фотоапарат (кој би можел да биде Sony A9, за кого веќе постојат гласини) или пак станува збор за Sony A-mount фотоапарат.

Најавата на овој уред е планирана за април или мај, што значи дека нема да чекаме многу долго за да дознаеме дали овие гласини ќе го видат светлото на денот.

Многу веројатно е дека апаратот на Sony ќе биде првенствено наменет за професионалци поради тоа што нуди 50 MP, а потоа и за сите ентузијасти што обожаваат да сликаат.