„Facebook Phone“ е апликација што моментално може да ја користат само вработените на компанијата...



Таа користи голема база на податоци од броеви на мобилни телефони, кои ги поседува Facebook. Оваа социјална мрежа содржи речиси 1,4 милијарди корисници, така што голем број од нив практикуваат пристап на Facebook преку мобилен, па така Facebook ги зема броевите од нивните корисници.

Апликацијата моментално се тестира за Android софтвери. Таа се поврзува телефонски со бројот на корисникот и неговите податоци на Facebook, со цел на екранот да ви се појави името и презимето на личноста што ве повикува (кој не мора да ви е пријател на Facebook), доколку го немате запишано бројот во телефонскиот именик.

„Facebook Phone“ може да блокира и повици од одредени корисници, на пример, ако го блокиравте профилот на некоја личност на Facebook, автоматски се блокираат и дојдовните повици од неа. Од „Venture Beat“ стапиле во контакт со Facebook, но, тие се уште не сакале да ги коментираат информациите за апликацијата Phone. Изјавиле само дека често тестираат нови нешта на мрежата. Се разбира, тестирањето не значи дека на крај навистина ќе ја претстават оваа апликација, а во случај да не се случи проблем со приватноста (на која се навикнавме од претходните години со Facebook), оваа апликација навистина би можела да биде корисна.