Компанијата Microsoft денес официјално го претстави својот нов телефон Lumia 430...



Овој телефон ќе биде наменет првенствено за пазарите во развој и цената ќе изнесува 70 долари. Се очекува да биде пуштен во продажба во арпил оваа година.

Телефонот има прилично слаби спецификации за 2015 година, но, овде сепак станува збор за low-end модел, за луѓето што се со ограничени финансиски можности.



Lumia 430 се одликува со 4-инчен LCD екран, резолуција од 800x480 пиксели, како и Windows Phone 8.1 со Lumia Denim оперативен систем. Телефонот има Qualcomm Snapdragon 200 dual core процесор, кој функционира со 1,2 GHz, а добрата вест е и што има 1 GB RAM меморија.

освен тоа, тука е и 8 GB внатрешната меморија, со можност за microSD картичка. Главната камера за жал има само 2 мегапиксели, што е една од причините за толку ниската цена на овој уред.