Автомобилите што возат сами веќе не се никаква новост, туку е прашање само на време кога ќе почнеме да ги купуваме и во кои ќе се возиме...



Google и Елон Маск се лидери во новата ера на автомобилската индустрија. Tesla и Google развиваат самоуправувачки возила. Во разговор со ко-основачот на Nvidiа, Џен Хсун Хуанг, Маск истакнува дека верува дека компјутерите ќе извршуваат многу подобра работа отколку луѓето.

„Мислам дека не треба да се грижиме околу автономните возила, бидејќи тоа е специфична тесна форма на вештачка интелигенција“, рекол Маск.

Елон повлекува паралела помеѓу лифтот и самостојните автомобили.

„Автомобилите ќе бидат како лифт. Порано и во нив постоеја оператори, но, потоа луѓето развија технологија што им овозможува на лифтовите автоматско патување низ спратови. Автомобилите ќе бидат исто како и лифтовите“. Кога ќе го достигнеме тој стадиум, милијардерот Маск вели дека на луѓето ќе им биде забрането да возат автомобили. „Тоа е премногу опасно, Не можете да имате личност што вози смртоносна маѓина од два тона“.

Потребни се 20 години за да се префрлат 2 милиони возила на автономно возење, а Маск вели дека најопасниот дел за таквите возила е брзината од 25 до 90 км/ч, бидејќи во таа област се случуваат многу непредвидливи нешта како што се пешаци, деца, велосипедисти, реконструкција на патишта, итн.

Без разлика на се, автомобилските компании се повеќе трошат пари за развој на оваа технологија, која е веќе неизбежна.