Facebook вчера ја претстави новата опција на Facebook Messenger, која им овозможува на корисниците испраќање и примање на пари бесплатно... 



Корисниците треба само да кликнат на ознаката "$", која сега се појавува на Messenger и потоа да го внесат износот што сакаат да му го испратат на друг корисник. Од Facebook наведуваат дека парите се праќаат веднаш иако може да поминат и неколку дена додека одредениот износ не легне на вашата сметка.  

Од Facebook велат дека е потрошено многу време за да се овозможи безбедна трансакција преку овој систем.  



„Употребуваме безбедносни системи кои ја шифрираат врската меѓу вас и Facebook, како и информациите за банковната картичка“, наведуваат во компанијата.

За безбедноста на паричните трансфери ќе се грижи нов тим.

„Системот на плаќање е во сигурни раце, кои се разделени од останатите делови на мрежата на Facebook ќе добијат посебна контрола и надзор. Тимот за борба против измами ќе биде постојано под надзор за сите сомнителни активности, со цел сите налози да бидат сигурни“, додаваат од Facebook. Кликнете на овој линк за да го погледнете видеото.