Многумина беа скептични за оваа идеја, но, сега се уверуваме дека Neptune Suite навистина може да стане глобален хит на пазарот на компјутери и дополнителна опрема...



Оваа иновативна идеја може да стане број еден во светот затоа што се работи за скапи уреди, кои се поврзани едни со други, кои поради цената би можеле да привлечат голем број на купувачи. Тешко дека ќе можете да си купите паметен телефон, часовник, таблет, тастатура, ТВ И безжични слушалки за цена од 599 долари. За да си го обезбедите овој пакет по оваа цена, ќе мора да донирате одредена сума на пари на crowdfunding сервисот Indiegogo, каде се споменува дека Neptune Suite практично и брзо го префрлува саканиот износ, кој авторите го поставиле како цел за да се започне со производство. 

Кампањата е започната од вчера, 16 март, чија цел е да се соберат 100 илјади американски долари. За само 24 часа се собрани речиси 800 илјади долари, се до моментот на пишување на овој текст. До крајот на кампањата има уште 29 дена, затоа е извесно дека Neptune Suite ќе настапи жестоко на пазарот со толку собрани средства. Неколку медиуми отишле толку далеку, што го прогласиле Neptune Suite за "иднината на компјутерите и компјутерската опрема“, а дали е тоа навистина така, можете да откриете кога ќе ги прочитате деталите на наведениот линк и да го погледнете приложеното видео.