Досега имавме прилика да откриеме неколку неофицијални информации, поврзани со новиот Sony Xperia Z4 телефон...



Но, сега за прв пат имаме прилика да го погледнеме графичкиот приказ на новиот Xperia Z4 телефон, кој ни навестува неколку суптилни разлики.

Имајќи на ум дека димензиите изнесуваат 146,3 x 71,9 x 7,2 mm, телефонот по големина нема да се разликува многу со моделот Xperia Z3, и според тоа најверојатно дијагоналата ќе изнесува 5,2 инчи.



Горните звучници/слушалки ќе се подместат до работ на телефонот, за разлика од моделот Xperia Z3. Истото може да се очекува и со долниот дел на телефонот, а другата разлика е заменување на позициите на сензорите и камерите од предната страна.

За жал, долниот дел на телефонот се уште не може да се види. Sony би требало да го испорача овој телефон со Android 5.0.2 Lollipop оперативен систем, кој ќе функционира со Snapdragon 810 процесор.