Компанијата на Цукерберг објави детални информации за забранета содржина, која ќе биде избришана, доколку корисниците ја објавуваат...



Новите правила веќе ги вклучуваат и опасните организации. Се објаснува каков вид на голотија е дозволена, со што од Facebook се надеваат дека сега на корисниците ќе им биде многу појасно каква содржина смеат да објавуваат, бидејќи досега тие беа збунети за правилата и содржините.

Моника Бикет од компанијата Facebook вели дека нема да има толеранција кон терористичките организации и нивните членови и нема да дозволат ниту поддршка и фалење на терористичките групи, нивните шефови и акции.

Facebook во иднина ќе ги забрани и брише фоторафиите кои се фокусираат на целосно гол задник и фотографии од женски гради, доколку се наѕираат брадавици, освен ако не станува збор за образовна или сатирична содржина. Нема да бидат забранети фотографии со доење. Понатаму забранети се фотографии што ги деградираат поединците и видеозаписи со физичко злоставвање, чија цел е да ги засрамат жртвите, потоа говор на омраза (но дозволено е објавување пример со говор на омраза на други лица, со цел да се укаже на овој проблем), криминални активности (забрането е славење и фалење со злочин и криминални активности), самоповредување и графички приказ на насилство.