Иако веќе не е дел од Sony, VAIO одлучи да и конкурира на матичната компанија и на пазарот да лансира сопствен паметен телефон... 



Како што е неодамна најавено, VAIO телефоните ќе се пуштат во продажба во Европа, а сега имаме шанса да го видиме првиот VAIO телефон со многу едноставно име - VAIO Phone.

Станува збор за телефон со 5 инчи и 720p резолуција, со Android 5.0 Lollipop платформа. Процесорот изнесува 1,2 GHz, има 2 GB RAM и 16 GB внатрешна меморија, со можност за microSD картичка, камера од 13 мегапиксели и батерија од 2500mAh. Со оглед на тоа што ова е првиот VAIO телефон, можеме да кажеме дека е прилично коректен, но, всушност и немаме некои големи очекувања за него.  



Цената на овој телефон би требало да биде 420 долари, а точниот датум на почетокот на продажбата се уште не е познат.