Apple објави дополнителни информации за „најочекуваниот уред на годината“, нивниот паметен часовник, кој наредниот месец започнува со продажба...



Apple Watch ќе биде достапен во три верзии, од кои најпопуларна ќе биде спортската верзија, чија почетна цена изнесува од 349 долари (што на многумина ќе им биде скапо), но, компанијата има и златни модели, чија цена се движи од 10 па до 17 илјади долари. Часовниците ќе бидат наменети само за оние со длабок џеп. Поради високата цена на овој уред, Apple вчера се најде на удар од конкуренцијата. Asus на Twitter го исмева златниот Apple Watch и неговите купувачи.

Во „водичот за купување“ што го објавиле на Twitter, го поставиле прашањето „треба ли да купам златен Apple“, потоа го поставиле прашањето „дали сте нормални“. Ако одговорите „не“ и ако „не сте луди“, тогаш логичен е изборот за купување на нивниот часовник ZenWatch. Ако одговорот е „да“, во Asus претпоставуваат дека корисниците очигледно имаат „многу пари за фрлање“ – а ако немаат пари, тогаш како логично решение се наметнува изборот за купување на часовник од Asus. Погледнете ја сликата за подетално да ја разберете.