Airlander 10 ќе биде најголемиот авион на светот, кој има должина поголема и од фудбалско игралиште, наполнето со хелиум...
Airlander 10 е спој од балон, авион и хеликоптер, дизајниран од британската дизајнерска компанија Hybrid Air Vehicles (HAV), која работи за американската војска.
Концептот на овој авион е стар речиси еден век, а целепинот стана популарен после Хинденбург во 1937 година, кога германското патничко летало се запалило при слетување и загинале 36 лица.
Овој авион е редизајниран повторно во 21 век и HAV се надева дека ќе го врати на небото над Велика Британија во 2016 година.
„Проблемите што ги имаше стариот зепелин беа голем број на членови на земјата, ограничената можност за издржување на поголема тежина и зависност од временските услови. Сите тие проблеми успеавме да ги решиме со новиот концепт - хибридното летало. Тоа е спој на крила и цепелин“, рекол Крис Даниелс, директорот на HAV.
Airlander 10 се вика така затоа што може да издржи терет од 10 тони. Изработен е од специјални фабрички карбонски влакна, додека притисокот на хелиумот го одржува обликот на леталото, кој се наоѓа внатре. За полетување и слетување се користи дизел, односно за вклучување на пропелерите.
Airlander 10 има и еколошки предности, тој користи 20% потрошувачка на гориво, во споредба со постоечките авион. Врз него може да се постават соларни панели, користи прилично тивки мотори, и во воздухот може да остане речиси пет дена со максимален терет. Може да функционира и во екстремни временски услови на температура од + 54 и -56 степени целзиусови. Овој авион ќе се користи за цивилни и воени цели.
