Поради големата конкуренција, LG на овогодинешниот Светски мобилен конгрес во Барселона (MWC 2015), не сакаше да го претстави својот нов flagship паметен телефон, а сега на Twitter профилот „@onleaks“, се појави графички приказ од LG G4 телефонот...



Фотографијата ја демонстрира само позадината на телефонот во сива боја, а како што може сами да видите, LG G4 изгледа многу слично со својот претходник LG G3.

Од приложените фотографии јасно се гледа дека телефонот е благо закривен. Сензорот на камерите е и најголемата разлика во изгледот на задниот дел, а може да видиме и дека power/lock типките на LG се за контрола на јачината на звукот, ласерски фокус и dual-LED блиц, а останатите недопрени.

LG G4 би требало да има Qualcomm Snapdragon 810 процесор, 3GB RAM, 16GB/32GB внатрешна меморија, камера од 16MP со LED блиц, OIS, 4K видео за снимање и автофокус.

Овој графички приказ е наводно рана верзија, па така е возможно крајната верзија на телефонот да се разликува од овој на фотографијата. Познати се и димензиите на телефонот: 148,9 x 76,5 x 9,9 mm.

LG G4 се очекува да излезе во април, најверојатно во две верзии. Првата ќе ја носи ознаката LG-H818 и станува збор за азиска верзија на паметен телефон, која ќе работи со Android 5.1 Lollipop верзија, а другиот има ознака LS991 и најверојатно станува збор за модел наменет за светските пазари.