Во сенка на настанот на Apple објавена е новата верзија на Android оперативниот систем, кој содржи одредени новитети и подобрувања...  



Android Lolipop 5.1 е достапен за преземање. Новото е што може да се стават повеќе SIM картички, кои ќе работат без проблем со Lolipop 5.1 од Android. Тука е новата опција - Device Protection, која го заклучува вашиот уред и ви ги чува податоците и кога некој ќе ви го ресетира уредот.

Оваа безбедносна опција би требало да функционира на повеќето паметни телефони и таблети, кои се испорачани со Android 5.1 мобилен оперативен систем, освен Nexus 6 и Nexus 9 уредот, велат од Google. Тука е и новиот HD voice, кој овозможува подобар квалитет на звукот. Lolipop 5.1 носи подобрувања кај пристапот на безжични мрежи и контрола на Bluetooth уредот, кој го поврзува вашиот паметен телефон со таблет директно преку опциите на Qucik Settings.