Изгледа како MacBook да го засени Apple Watch, а според твитовите и објавите на Facebook, постојат голем број на луѓе што така мислат...



Apple направи голем скок во развојот на преносни компјутери и ја обнови линијата на MacBook, кој сега се произведува со 12-инчи, во три различни бои, златна и сива.

Apple се потрудил овој пат со иновациите кај производот. Има нова тастатура со нов механизам, кој овозможува потенок уред, а тука е и новиот „trackpad“, кој содржи Apple Watch карактеристики, поточно за чувствителноста на притискањето.

Голема новост е намалувањето на матичната плоча, која веќе нема вентилатор, со што се овозможува повеќе простор за батериите, кои издржуваат 9 часа со Wi-Fi поврзување, драстично зголемување во споредба со претходните верзии. Новиот MacBook има само два влеза, еден за слушалки и еден USB-C, новиот стандард, на кој Apple работел заедно со другите производители на компјутери.

Проблемот е во тоа што Apple очигледно морал да исфрли многу корисна опција, а тоа е магнетот што се наоѓаше на сите досегашни верзии. Тоа значи дека влезовите за напојување е физички споен со USB 3 port, што од друга страна значи дека ако закачите кабел, сигурни сте дека и лаптопот ќе ви летне од масата. Нема повеќе безбедносно магнетно спојување. Се чини дека ова е голем недостаток на фантастичниот MacBook, но, очигледно мора да се навикнеме и со тоа.  

Цените се карактеристични за Apple, што значи дека ќе мора да купите верзија од 1.1 GHz dual-core Intel Core M процесор, 256 SSD за 1299 долари, а подобрата верзија со 1.2GHz dual-core Intel Core M процесор и 513GB SSD, ќе ве чини 1599 долари.

Да споменеме дека двете верзии доаѓаат со Retina екран и резолуција од 2304 x 1440, 226 пиксели од еден инч, 8GB 1600MHz LPDDR3 RAM меморија. Подетални информации може да дознаете на страниците на Apple.