Новиот фаблет на компанијата Huawei, MediaPad X2, има 7-инчен ултра HD IPS екран, куќиште со дебелина од 7,2 милиметри и 2.0 GHz Kirin 930 ултра 8-јадрен чипсет...



Поради овие перформанси, таблетот е првиот фаблет со 8-јадрен Dual-SIM со 64-битна 4G LTE технологија. Kirin 930 чипсетот поддржува поврзување со LTE Cat6, што овозможува преземање на содржина со брзина од 300 Mbps. Заедно со интегрираната „аудио-шуплина“ во стерео звучниците, паметниот PA чип и DTS технологијата на звук, Huawei MediaPad X2 овозможува висок квалитет на звук за сите љубители на филмови и видеа. LTPS екранот со FHD резолуција е чувствителен на допир и овозможува неверојатно остра слика, додека CABC технологијата автоматски ја прилагодува светлоста на екранот за да обезбеди ефикасно управување со батерија.  



"Huawei MediaPad X2 е резултат од нашата посветеност и креирање на иновативни производи со врвен квалитет и напредна технологија“, изјавил Ричард Ју, директорот на компанијата Huawei.

Huawei MediaPad X2 е уникатен производ, кој претставува комбинација од телефон, таблет, пренослива батерија, мобилен интернет, навигација и дигитални камери. Користи 5.000 mAh литиумско-полимерска батерија, со најголем капацитет во индустријата. Таа поддржува гледање на интернет со содржини во траење од 12 часа, 15 часа интернет пребарување или 60 часа слушање на музика. Со помош на задната камера од 13 MP, Huawei MediaPad X2 прави неверојатно добри фотографии, дури и во услови со слабо осветлување. Предната камера од 5 MP има објектив од 22 милиметри, идеална за сите љубители на селфи и панорамски фотографии.

Двојната Wi-Fi 2.4 GHz антена на Huawei MediaPad X2 обезбедува стабилен Wi-Fi прием и поврзаност од било каде, а двојниот микрофон со опција на активно отстранување на позадински шумови ја намалува бучавата и гарантира квалитет. Стандардната верзија на Huawei MediaPad X2 има 2 GB RAM + 16 GB внатрешна меморија, а премиум верзијата поседува 3 GB RAM и 32 GB внатрешна меморија.