За да си направиме добри селфи фотографии ни треба и добар уред. Samsung го претстави Galaxy A5, паметниот телефон, целосно прилагоден за сите наши фотографски потреби...



Samsung препознал можност кај новиот тренд, затоа кај Galaxy A5 ја потенцира одличната предна камера од 5 MP. Новата опција „широк портрет“ овозможува создавање на панорамски портрет со спојување на три фотографии, снимени - од левата страна, во средината и една од десната страна. Така можете да ги фотографирате сите свои пријатели на фотографија на растојание од 110° во портрет и 120° во пејзажен начин на работа.

Со Galaxy A5 нема потреба да го притискате копчето за време на снимање на автопортретот. Наредбата за снимање на автопортрет ја изговарате или едноставно ја користите дланката.



Доколку понекогаш ви е потребна повеќе од една фотографија, со цел да покажете што ви се случува, A5 има анимиран автопортрет, кој ви овозможува долго снимање на вашите важни моменти со 20 непрекинати фотографии и автоматско создавање на GIF слики, наместо филм.

Има процесор од 1.2GHz со четири јадра, 2GB RAM меморија и 16GB внатрешна меморија. Samsung Galaxy A5 е повеќе од доволен за одлични фотографии, игри, музика или прегледување на социјалните мрежи. На задната страна од уредот се наоѓа камерата од 13MP, која на сите фотографии снимени со овој уред, ќе им даде чистина и врвен квалитет.