Sony беше и остана лидер на пазарот за играчки конзоли, без оглед на поединечните проблеми и аферите што ги доживеа...



Sony се пофали дека нивната конзола од последната генерација, пробила уште една граница. Заклучно со 1 март 2015 година, објавено е дека Sony PlayStation 4 конзолата е продадена во над 20,2 милиони примероци, што е големо достигнување, вредно за восхит. Оваа позитивна информација била очекувана, бидејќи уште се пласира PS4 на пазарот, беше прогласена како конзола што ќе ја надмине својата конкуренција. Тоа и се случи.

Иако тоа никој не го признава, Sony има амбиции да биде најдобар и квалитетен на пазарот на играчки конзоли, односно, подобар од Xbox One на Microsoft и Nintendo Wii U.

„Немаме зборови со кои можеме да им ја искажеме благодарноста на нашите корисници, кои и понатаму го одбираат PlayStation 4 како најдобро место и опкружување за игра“, рекол Ендру Хаус, извршниот директор на „Sony Computer Entertaiment“ дивизијата, најавувајќи и многу изненадувања во блиска иднина.