Откако Apple ги објави продажните и финансиските цифри за последниот квартал од минатата година, истовремено Samsung имаше пад на профитот и пад на уделите на пазарот на паметни телефони...



Така медиумите анализираат дека Apple ја престигнал јужно-корејската компанија и станал светски лидер. Сега од аналитичката компанија Gartner објавиле резултати од продажба на пазарот на паметни телефони во последните три месеци од 2014 година. Тие потврдуваат дека Apple остварил фантастична продажба на iPhone 6 и 6 Plus, со што го надмина Samsung и го презема првото место на овој пазар. Според овие информации, Apple во тој период продал 74,8 милиони примероци на iPhone, со што држеле 20% од пазарот, што е значително зголемување во споредба со истиот период од минатата година, кога продале „само“ 50 милиони телефони и зафаќаа само 17,8% од пазарот.

Истовремено Samsung продал 73 милиони паметни телефони (удел од 19,9%) – тоа се 10 милиони паметни телефони помалку во споредба со последните три месеци од 2013 година.