Commodore 64 е најпродаваниот компјутер, со 17 милиони испорачани примероци во цел свет...



Тоа 8-битно чудо произведено во 1982 година, сега живее во сеќавањата на оние што имале шанса да го искористат овој компјутер.

Компанијата што го произведе - Commodore International, згасна пред 20 години, иако во своето портфолио го имаа најпродаваниот компјутер, Commodore 64.

21 година после згаснувањето на компанијата, дизајнерот и сопственик на блогот „Givingshape“, Масимо Батаљо, одлучил да го редизајнира Commodore 64 и да го прилагоди за 21 век.

Дизајнот на овој концепт не подразбира само додавање на лого на паметниот телефон, туку идејата е да се пренесат обликот и контурите од стариот компјутер на мобилен уред. За жал, ова е само концепт, но идејата на италијанскиот дизајнер е генијална.