Samsung објави тизер во петокот, за нивниот топ модел на Samsung Galaxy S6, фокусирајќи се на материјалите што се користат во дизајнирањето и изработката на уредот...



Видеото е објавено од Samsung на Twitter и не дава детали за техничките спецификации на уредот, туку, наместо тоа, прикажани се стакло, метал и вода, со позадинскиот глас што зборува, "изработен сум од прекрасни нешта што ги гледам околу себе, тие ме обликуваат. Јас сум следниот Galaxy". На крајот на тизерот се гледаат светлосните бочни страни на уредот, кој сепак нема закривен екран, и покрај гласините. Кликнете на овој линк за да ја погледнете креативната реклама за Galaxy.

Гласините велат дека Samsung ќе претстави повеќе модели на претстојниот настан, најмалку со еден модел на закривен екран, но она што се најавува како најголема иновација на Samsung и отстапувањето од досегашните модели, е металното куќиште на уредот.