Apple го покори пазарот на паметни телефони со последните модели iPhone 6 и 6 Plus, односно за само три месеци продаде 75 милиони iPhone-и...



Љубителите на Android оперативни системи нетрпеливо го очекуваат новиот HTC One, новиот Galaxy, Xperia и моделот на LG од G серијата. Вчера излегоа фотографии и спецификации од новиот модел на HTC, One M9.

Новиот One ќе функционира на 2GHz Snapdragon 810 процесор, 3GB RAM и 32GB простор за податоци, кој ќе може да се зголеми со microSD мемориски картички. Ultrapixel камерата сега се наоѓа од предната страна на телефонот, за подобро селфи, додека HTC на задната страна вградил камера со сензор и резолуција од 20MP.

Телефонот ќе функционира со последната верзија на Android (5.0 Lollipop), а ќе има и HTC интерфејс Sense 7. Дијагоналата на екранот ќе изнесува 5 инчи (со Full HD резолуција) така што, на пазарот овој паметен телефон ќе му конкурира на моделот на Apple, iPhone 6 и Samsung Galaxy S6, а можеме да очекуваме и дека оваа компанија во иднина ќе го претстави и M9 фаблетот, кој ќе му конкурира на iPhone 6 Plus и Galaxy Note 4. HTC One M9 ќе биде претставен на 1 март во Барселона, за време на Mobile World Congress саемот, а така и Samsung ќе го претстави својот Galaxy S6.