Марк Цукерберг ги шокира пазарните аналитичари и корисници на Instagram во средината на 2012 година, кога објави дека за милијарда долари ќе ја купи оваа компанија и социјалната мрежа за уредување и споделување на фотографии...



Цената на аквизицијата на крајот, сепак била помала. Голем број на корисници се заканија дека ќе ги деактивираат своите профили, затоа што не сакаат да ја користат мрежата што ќе биде во сопственост на Facebook, додека аналитичарите беа збунети, зошто Цукерберг дава многу пари за компанија, која дотогаш не заработила ниту долар.

Не само што корисниците не ја напуштија оваа мрежа, туку веста за аквизицијата дополнително му ја зголеми популарноста на Instagram. Во тој момент, неговиот број на корисници се зголемил уште повеќе. Подоцна беа додадени нови можности, како на пример интересните филтри и можноста за споделување на кратки видео-записи во апликацијата.

„Одлуката за купување на Instagram, секоја година изгледа се попаметна“, коментирале од Mashable.

Последните предвидувања за растењето на бројот на корисници и работењето на оваа компанија, покажуваат дека тоа е генијален потег на Цукерберг. Според аналитичарите од компанијата Cown & Co., Instagram годинава треба да оствари приход од околу 700 милиони долари, а за пет години 5,8 милијарда долари.

Моменталната вредност на Instagram изнесува дури 33 милијарда долари, според аналитичарите. Ова е малку повеќе во споредба со Twitter, чија вредност изнесува околу 30 милијарди долари.

После Instagram, Цукерберг сакал да го купи и Snapchat, популарната апликација за испраќање на самоуништувачки пораки. Цукерберг прво понуди милијарда, а потоа дури три милијарди долари, но, шефот на Snapchat, Еван Спигел, ја одби понудата. Еван направил добра одлука, бидејќи вредноста на оваа компанија денес се проценува на 19 милијарди долари.