Изгледа дека Apple силно верува во успехот на својот нов уред Watch, па така се шпекулира дека компанијата има цел да отвори посебна продавница во најпознатата улица на Париз, „Champs Elysees“, во малопродажните дуќани на „Galeries Lafayette“...



Се смета дека компанијата би можела да отвори посебни продавници, во склоп на големите синџири на BestBuy, како што е тоа случај со Mac компјутерите, но се разгледуваат и можностите за да се продава исклучиво Apple Watch.

Компанијата веќе ги реконструира своите продавници, за да ослободи место за Apple Watch, кој во меѓувреме се рекламира преку рацете на познатите луѓе, односно на насловните страници на списанијата.

Факт е дека пазарот за Apple Watch е сосема поинаков од пазарот за iPhone. Watch е повеќе како моден уред, додека iPhone е повеќе технолошки аспект на животот. Ова се последните подготовки за претставување на Watch, кој треба да започне со продажба од април оваа година. Прашање е како луѓето ќе реагираат со оглед на високата цена од 349 долари за основниот модел и краткото траење на батеријата - само еден ден.