Acer го претстави моделот XG270HU, новиот гејмерски монитор, со AMD FreeSync технологија и поддршка за AMD Radeon R-Series GPU...



Се работи за 27-инчен монитор, со WQHD резолуција од 2560 x 1440 пиксели, со 144Hz и edge-to-edge дизајн.

Инаку, AMD FreeSync е иновативна технологија за монитори, која се базира на бесплатни и отворени стандарди, го отстранува трепкањето и колебливоста за време на играњето, проблем кој се појавува кај сите компјутерски игри во последните 30 години.

Оваа технологија го минимизира застојот и латентноста, нудејќи подобро гејмерско искуство. Конекциските опции на мониторот се: Acer XG270HU, вклучувајќи ги и HDMI 2.0, dual-link DVI, DisplayPort 1.2, а тука е и пар од 2W звучници.

Мониторот има Acer EyeProtect, кој спречува претерано оптеретување на очите за време на маратонското играње, додека ComfyView го спречува блескањето на амбиенталното светло. Се уште нема информации колку ќе чини овој монитор.