Речиси две недели останаа до најголемиот мобилен саем на светот, Mobile World Congress, каде најголемите мобилни компании ќе ги претстават своите адути за годинава...  



Вчера од HTC официјално потврдија дека во првиот ден од наредниот месец, ќе го претстави новиот модел од One серијата. Оваа информација ја објавија и на Twitter. Најверојатно новиот модел на HTC ќе се нарекува One M9, а според пишувањето на новинарите од страницата BGR.com, почетокот на продажбата на овој уред, може да се очекува набрзо откако ќе биде презентиран.

Досега беа објавени голем број на шпекулации и информации околу овој телефон и според него, HTC One M9 треба да има Full HD екран со дијагонала од 5 инчи. Ќе функционира со Qualcomm Snapdragon 810 процесор, 3GB RAM, задна камера со резолуција од 20,7 MP, предна камера со 4MP и ќе се испорачува во две верзии - со 32 и со 64GB меморија.

Би требало телефонот да има microSD мемориска картичка, батерија со капацитет од 2,840mAh и мобилниот оперативен систем на Googleo, 5,0 Android. Во HTC имаат големи очекувања за овој телефон, но конкуренцијата за титулата на најдобриот мобилен уред, ќе биде најголема досега и ќе се бори со новите модели на iPhone телефони, кои се главни владетели на пазарот на побарувачката, со Galaxy S6, новите модели на Sony Xperia Z серијата и серијата на LG - G и други напредни модели.