Најновиот паметен часовник LG е еден од најубавите Android Wear уреди, кој освен со врвниот дизајн, се истакнува и со своите спецификации...



После спортскиот дизајн на LG G Watch R часовникот, LG најавува нов носечки уред, кој се нарекува Watch Urbane и доаѓа во луксузна верзија.



Urbane има кружен екран и тело од нер`ѓосувачки челик во две бои, сребрена и златна боја, со шиен кожен ремен. Според изгледот на часовникот, очигледно е дека LG поставува нови трендови кога станува збор за дизајн на паметни часовници.

Главните перформанси на LG Watch Urbane часовникот, не се ништо повеќе од својот претходник (LG G Watch R). Иако не се разликува многу од класичните часовници според својот изглед, во неговата внатрешност се крие Snapdragon 400 процесор со 1,2 GHz, кружен OLED екран од 1,3 инчи, со 4 GB меморија и 512 MB RAM. Уредот е компатибилен со паметните телефони со Android 4,3, а на самиот уред се наоѓа оперативниот систем Android Wear.



Батеријата од 410 mAh ќе издржи едвај до два дена користење на часовникот, а дополнителното заштедување на батеријата ви ја обезбедува Always-On опцијата, која ја намалува светлоста на екранот. Опремен е и со мерач на пулсот, акцелерометар, жироскоп и компас, и поседува IP67 сертификат.