Крис Санчез не можел ниту да претпостави дека Twitter ќе го промени неговиот живот за многу кратко време...



Крис живее живот, каков што многумина би посакале. Ако сте го проучувале Twitter, веројатно сте дошле до UberFacts профилот, каде се објавуваат различни факти за секакви теми. Профилот има над 9.4 милиони следбеници, над 81.000 твитови и одлична сума на приходи.

Kris истакнал за BusinessInsider, дека отворил Twitter за да ја следи Britney Spears, оти е нејзин голем обожавател. Кога го отворил профилот ссфатил дека нема многу што да се објави, па почнал да споделува факти што му биле интересни, а во 2011 година одлучил на секои 15 минути да објавува по еден факт.

За само една година подоцна, UberFacts станал популарен профил со над 200.000 следбеници, меѓу кои се нашле и ѕвездите како што се Парис Хилтон и Клои Кардашиан, а тоа му помогнало за поголема промоција и му ги донело првите приходи.

“Не можев да поверувам дека добивам чекови од 600 - 800 долари неделно, само за да објавувам линкови”, истакнал Крис, кој сега заработува околу 500.000 долари годишно, има неколку луѓе вработени, и неодамна отворил мобилна апликација, на која ќе заработува дополнителни 60.000 долари неделно.

UberFacts од Twitter, започнал да функционира и на Facebook и Instagram, каде има голем број на следбеници, што сигурно ќе му обезбеди дополнителни приходи. Интересно е кога луѓето заработуваат од објавување на твитови, и тоа прилично одлични пари.