Порано или подоцна, сите не чека тоа, а отсега и Facebook ви овозможува да го одберете својот наследник на профилот пред да умрете, исто како да оставате тестамент...



Ова е уште еден доказ дека социјалните мрежи се интегрален помалку или повеќе, дел од нашите животи, затоа треба веќе да размислуваме и кому ќе го оставиме нашиот Facebook профил во наследство. Оригинално тоа се нарекува „legacy contact“, а е многу едноставно - треба да се додели право некому, за да добие пристап откако сопственикот ќе почине. Се разбира, ако немате кому да го оставите, имате опција и за бришење на профилот после смртта.

Ако сакате да го определите својот наследник, одете во Settings, потоа Security и на крајот Legacy Contact. Наведениот наследник ќе може да ги промени фотографиите на профилот, да објави спомен порака, да одговара на нови барања за пријателство, да ја преземе архивата од постоечките постови и фотографии.

Приватните пораки нема да бидат достапни за читање и никому нема да му биде дозволено тоа.