Кинеската компанија THL неодамна го претставила својот паметен телефон T6 Pro...



Станува збор за евтин телефон, со цена од 120$, зависно од онлајн продавницата. Главна цел на компанијата е да произведе квалитетен и евтин телефон.

THL T6 Pro има 5-инчен екран, кучиштето е изработено од цврста пластика и можете да бирате дали сакате црн или бел телефон. Дебелината на уредот изнесува 8.6 мм, а дизајнот општо е карактеристичен за THL, доколку ги разгледаме претходните модели.

T6 Pro има 5-инчен HD IPS екран, кој воодушевува. Споредувајќи го со другите модели со сличен ценовен ранг, моделот на THL поседува еден од најдобрите екрани. Прикажувањето на боите, аголот на гледање и острината се задоволувачки, освен еден недостаток, ако може така да се нарече, а тоа е недостаток од заштита на екранот.



Телефонот има MediaTek MT6592M чипсет, со 8-јадрен процесор и брзина од 1.4GHz, кој е штедлив процесор. Понатаму, под хауба има 1GB RAM меморија и 8GB внатрешна меморија за податоци, а за графички активности и 3D играње, тука е Mali-450 GPU. Оваа хардверска комбинација е одлична за извршување на сите потребни задачи и играње игри. На тестирањето, THL T6 Pro со неколку бенчмарк апликации, како што е „AnTuTu Benchmark“, постигнува 26000 поени.

THL T6 Pro има Android 4.4.2. оперативен систем, а поседува и можности за CPU power saving - начин на функционирање. T6 Pro е dual-SIM уред и ги поседува сите стандардни функции како што се: wi-fi, bluetooth, GPS и поддршка за 3G.

Главната камера има 8 мегапиксели, опремена со LED блиц. Батеријата има деклариран капацитет од 1900 mAh. Ако барате евтин телефон со солидни перформанси, размислете за THL T6 Pro. Цената за наведениот уред се движи околу 120$, ако сте заинтересирани можете да го купите тука со достава од ЕУ.