Новите уреди се секогаш побрзи, но со текот на времето таблетите и телефоните стануваат бавни...



Преполнети се со податоци и различни апликации, но за среќа, постојат решенија кои многу лесно го отстрануваат овој проблем. Едно од ефикасните решенија е Greenify - апликација дизајнирана за да ја оптимизира Android платформата, со цел уредот да функционира побрзо и без грешки. Но, тоа не го постигнува со бришење на меморија, туку на начин што ја следи работата на сите апликации и известува за тие што отстапуваат од правилата. Тоа значи дека апликациите не смеат да бидат активни ако корисникот не ги употребува и слично.

Кога Greenify детектира такви апликации, автоматски ги става во хибернација и така ја намалува потрошувачката на батерија и го забрзува функционирањето на уредот.



Значи, Greenify не е менаџер на податоци (eng. task killer) кој веднаш ги исклучува апликациите. Greenify е тука за да ги постави во состојба на мирување или „сон“, со цел да не трошат енергија, RAM-от и да извршуваат било каква активност. Тоа значи дека тие лесно и брзо може да бидат активирани и подготвени за продолжение на функционирањето.