Во Samsung сфатија дека ако не сакаат да ја доживеат судбината на Nokia, ќе мора да започнат со големи промени и иновации...



Влад Савов од The Verge смета дека претстојните промени во Samsung ќе ја променат цела мобилна индустрија, затоа што станува збор за компанија која во последните години брилираше на пазарите и продаде стотици милиони паметни телефони.

Савов вели дека тие големи промени ќе започнат со Galaxy S6, кој треба да биде претставен на 1 март, на конференцијата на Samsung, во рамки на Mobile World Congress. Според шпекулациите, моделот S6  ќе се испорачува со сопствени процесори на Samsung наместо Snapdragon, ќе има метално куќиште и најголемата промена е тоа што едната верзија ќе биде со закривен екран.

На јужнокорејската страница Cnet се објавени и првите фотографии од моделот Galaxy S6. На фотографијата е прикажан класичен S6 модел, но и двата модела со закривен екран. Едниот е закривен на левата, а другиот на десната страна. Можно е едната верзија на Galaxy S6 Edge да има екран закривен од двете страни. Од компанијата не сакаат да ги коментираат шпекулациите.