Додека Windows 10 со нетрпение се очекува, NetMarketShare објавил нов извештај за уделите на оперативните системи на глобално ниво...



Windows 7 зафаќа дури 55.92% од светскиот пазар на оперативни системи, а Windowsi XP неверојатни 18.93%. Сите останати се многу помалку, Windows 8.1 е инсталиран на 10.04% од компјутерите во светот, додека Windows 8 е моментално на 3,79%.

Интересно, за прв пат е воведен и новиот Windows 10 OS, кој иако не е во продукциска, стабилна верзија, дури 0.05% од светските корисници го инсталирале на своите компјутери. Неверојатно е во оваа статистика, што Windows XP, кој од 18.26% од декември 2014, се искачил на 18.93% во јануари 2015. Windows 7 забалежува благ пад од 56.26% на 55.92%, Windows 8 паднал исто така, од 4.03% на 3.79%, додека Windows 8.1 сепак бележи благ раст, искачувајќи се од 9.49% од декември, на 10.04% во јануари.

Ќе биде интересно да се гледа како се менува овој однос кога Windows 10 ќе започнат со јавна употреба.