Со секое купување на мобилни уреди, корисниците размислуваат за паметните телефони на Android или iPhone...



Помал дел од корисниците сакаат интересни телефони со мобилните на Windows, односно некои се уште ги обожаваат тастатурите на BlackBerry. Во тренд се мобилните уреди со големи екрани, кои постојано мора да бидат поврзани со интернет, со цел секогаш да добиваат мејлови и известувања од социјалните мрежи.

Но, не се сите воодушевени со модерните паметни телефони. На страницата Vice, велат дека во Велика Британија е популарен телефонот на Nokia 8210, кој прв пат е претставен во 1999 година. Овој телефон не го бараат обичните мобилни корисници, туку е исклучително баран меѓу дилерите, односно новинарот од Vice вели дека со сите дилери што разговарал, имале некои од старите модели на Nokia. „На старите Нокии, барем можете да им верувате“, коментирал еден дилер, кој користи четири модели на Nokia 8210, за која вели дека многу подобра од iPhone и новите модели на мобилни, бидејќи полицијата многу лесно ги следи модерните телефони, додека не е таков случајот и со Nokia.

Телефоните на Nokia се популарни на eBay, на кој се уште се продаваат по цена од околу 30 фунти, а новинарот од Vice разговарал и со еден наркоман, на кого дилерите често му нуделе пари за неговата Nokia 8210. Наркоманот на крај го заменил својот телефон за дрога, во вредност од околу 50 долари, а потоа почнал да купува стари телефони од Nokia и ги менувал за дрога.

Кликнете не овој линк ако сакате да ја погледнете рекламата за Nokia 8210.

Во Велика Британија се бара многу од овие модели на Nokia. Тоа го потврдува сопственик на една продавница на мобилни уреди во Бирмингем. Тој вели дека луѓето прашувале за моделот 8210 и кога ќе го добие, брзо се распродава.