Најздодевно за корисник на интернет е кога мора да докаже дека не е робот, туку човек...



Тоа значи дека мора да ги напише дадените цифри и букви (CAPTCHA) кога пополнуваат важни формулари на веб-страница. Со оглед на тоа што цифрите и буквите тешко се дешифрираат, се грешат, па така повторно ќе треба да ја повторуваме целата постапка и тоа е нервозно.

Од Google велат дека овој метод не е веќе многу ефикасен, бидејќи роботите ја откриле тајната на CAPTCHA. Затоа вчера од компанијата ја претставија новата безбедносна алатка (No CAPTCHA reCAPTCHA), која треба на луѓето да им го олесни сурфањето на интернет и дополнително да ја зголеми сигурноста. No-CAPTCHA се состои од кликање на куќичката на која ја пишува изјавата „Јас не сум робот“. Иако ова изгледа како многу лесно за пробивање, на страницата GigaOM велат дека процесот го мониторира и анализа системот на Gogle со софистицирана вештачка интелигенција, која следи што прават корисниците пред и после кликањето на куќичката „Јас не сум робот“.

Погледнете го видеото со објаснување за начинот на функционирање тука.