Facebook ја купи компанијата Oculus за 2 милијарди долари, која ги произведува наочарите „Rift VR“, за виртуелна стварност...



Сопственикот на Facebook, Марк Цукерберг, изјави дека ја купиле оваа компанија најмногу поради „новата комуникациска платформа“. Ден Роуз од Facebook рекол дека оваа платформа претставува иднина за сметководството и потсетува на трендовите во компјутерската технологија во последните 50 години, во кои е постигнат неверојатен напредок.

Во Facebook веруваат дека технологијата што ја развива Oculus ќе овозможи развој на компјутерите со кои ќе управуваме со очи. Оваа технологија ќе биде многу повеќе напредна отколку Google Glass наочарите. Наочарите од Oculus ќе бидат намалени во големина на класичните наочари што ги носиме и ваквата технологија со која ќе се управува со очите, ќе биде искуство што никогаш порано не сме го доживеале.