Италија Техничкиот директор на Интер, Марко Бранка ги демантираше гласините кои го поврзуваат Весли Снајдер со трансфер во Манчестер Јунајтед вреден 35 милиони фунти...

Утринава весниците во Англија и Италија пласираа шпекулација која го поврзуваше Снајдер со трансфер на Олд Трафорд вреден 35 милиони фунти.

Сепак брзо стигна демант од Интер, Марко Бранка вели дека тие не сакаат да слушнат за продажба на Снајдер.

"Весли Снајдер не е на продажба, и нема ништо променето околу тоа" - вели Бранка.

"Не е изненадувачки тоа што Снајдер е посакуван од други клубови, но ние не сме добиле формална понуда, ниту чекаме таква".

"Знаеме што треба да направиме и немаме планирано средби со неговиот агент. Снајдер не е на продажба".

Јунајтед е во потрага по плејмејкер, покрај со Снајдер тие се поврзуваат и со Самир Насри и Лука Модриќ.

Powered by: 24 FUDBAL.com.mk