Англија Новиот менаџер на Челзи, Андре Вилаш Боаш вели дека Џон Тери ќе ја задржи капитенската лента...
Тери ја доби капитенската лента од Жозе Мурињо во 2004 и одигра важна улога во успехот на ’Сините’ во претходните години.
Новиот менаџер на Челзи, Вилаш Боаш ќе продолжи да го користи Џон Тери како капитен но навестува дека е подготвен да го седне на клупа секој фудбалер што нема да го дава максимумот.
Стратегот од Португалија рече: “Џон е капитен на овој клуб и ќе продолжи да ја извршува таа улога, се додека може да го дава најдоброто од себе како што го правеше тоа во последните шест години.”
“Тој беше успешен во улогата на капитен во поголемиот дел од времето.”
“И тој ја претставува успешната историја на овој клуб во последните шест или седум години.”
“Знам дека поголемиот дел од фудбалерите во соблекувалната го гледаат Џон како лидер и како личност која ги мотивира.”
“Па, доколку Џон е во тимот, тој ќе биде капитен.”
Андре Вилаш Боаш исто така истакна дека посакува неговите фудбалери да се однесуваат добро на теренот но и надвор од него.
Тој додаде: “Сакаме тие да триумфираат како личности, како општествени примери за добро однесување. Кога ќе го сторат тоа, тие исто така ќе триумфираат и како фудбалери.”
“И доколку пронајдеме други лидери, повеќе примери за општеството, со сигурност тие ќе имаат шанса да ја носат капитенската лента.”
“Како на пример Лампард и Дрогба, кои ја носеа капитенската лента во одредени периоди.”
“Бидејќи на крајот, не се работи за тоа да кажеме дека Џон е единствениот лидер. Има многу лидери во соблекувалната.”
Powered by: 24 FUDBAL.com.mk
